طلال چودھری اُتے تشدد دی تحقیقات لئی کمیٹی بنا دتی گئی

فیصل آباد ( بھلیکھا ٹی وی ) طلال چودھری اپتے تشدد دے حوالے نال ایس ایس پی آپریشنز فیصل آباد نے فیکٹ فائنڈنگ کمیٹی بنا دتی گئی ، نو ٹیفکیشن دے مطابق طلال چودھری تے عائشہ رجب علی دے معاملے دی تحقیقات کرکے تین دن تک رپورٹ دے گئی ۔سابق مسلم لیگی ایم این اے طلال چودھری اُتے تشدد دے معاملہ اُتے پولیس دی4رکنی فیکٹ فائنڈنگ کمیٹی بنا دتی گئی اے ، ااے ایس پی پیپلز کالونی عبد الخالق کمیٹی دے سربراہ ہون گے ، ایس ایچ او تھانہ مدینہ ٹائون تے ایس ایچ او تھانہ ویمن فرح بتول کمیٹی دی ممبر نیں ، کمیٹی طلال چوہدری تے عائشہ رجب دے بیانا سُنے گی ، کمیٹی نوں تین دناں وچ انکوائری رپورٹ پیش کرن دی ہدایت کیتی گئی اے ۔واضح رہے کہ پچھلے دناں طلال چودھری نوں کسی نے ماریا جس دی وجہ نال اوہناں دا موڈھااُتر گیا تے دونیں بازو فریکچر ہو گئے، ذرائع نے آکھیا کہ طلال چودھری تے عائشہ رجب علی دے درمیان پہلاں بوہت چنگے تعلقات سن ، دونوں دے درمیان کجھ عرصہ توں لڑائی چل رہی سی جو کہ دن بدن ودھ دی جا رہی سی ۔پولیس نے آکھیا کہ سابق ایم این اے طلال چودھری نوں زخمی حالت لہور دے نجی ہسپتال منتقل کیتا گیا ، ایس حوالے نال طلال چودھری نے آکھیا کہ میرا بازو فریکچر ہو گیا اے ، مینوں اوہناں نے تنظیم سازی لئی بلایا سی ۔ اوہنان نے میرا موبائل کھو کے ویڈیو بنائی ۔

اپنا تبصرہ گھلو