موجودہ حکومت سرمایہ کاراں نوں ساریاں سہولتاں دے گی : سی پیک اتھارٹی

اسلام آباد ( بھلیکھا ٹی وی) سی پیک اتھارٹی نے آکھیا کہ موجودہ حکومت سرمایہ کاراں نوں ساریاں سہولتاں دے گی ۔
پاک چین اقتصادی راہداری حکا م نے آکھیا کہ اک خطہ اک شاہرہ منصوبہ موجودہ صدی دی تقدیر بدل دے گا ، جس وچ سین پاکستان اقتصادی راہداری دا اک اہم منصوبہ اے اوہناں نے آکھیا کہ چین پاکستان اقتصادی راہداری نال ملک وچ توانائی دے شدید بحران اُتے قابو پایا جائے گا تے پاکستان وچ سرمایہ کاری نوں یقینی بنان لئی بجلی دی بلاتعطیل فراہمی ضروری اے ، رشکئی خصوصی اقتصادی زون سی پیل دے تحت قائم کیتا جان والا اقتصادی زون ہوئے گا ۔خیال رہے کہ چین پاکستان اقتصادی راہداری منصوبہ ( سی پیک) خوش اسلوبی نال اپنی راہ اُتے گامزن اے ، حکومت متعلقہ سارے امور نوں نمٹان لئی پُر عزم اے ۔سی پیک اتھارٹی حکام دے مطابق حکومت پاکستان سی پیک منصوبہ بارے سارے کم خوش اسلوبی نال کر رہی اے تے ایس نوں مکمل کرن لئی دن رات اک کیتے ہوئی اے ۔

اپنا تبصرہ گھلو