طلال چودھری ہسپتال وچوں نکل آئے ، بیان ریکارڈ کرن گئی پولیس ٹیم نوں ناکامی دا ساہمنا

لہور ( بھلیکھا ٹی وی ) ہسپتال عملے دے مطابق رہنما مسلم لیگ نوں پولیس دے آن تو پہلاں ہی ڈسچارج کر دتا گیا ، اے ایس پی عبد الخالق نے میڈیا نال گل بات کر دیاں آکھیا کہ بل دی ادائیگی دا وی کوئی علم نہیں تے نہ ہی سلپ وکھائی گئی ۔
تفصیل دے مطابق فیصل آباد پولیس مسلم لیگ نون دے رہنما طلال چودھری دا بیان ریکارڈ ہی نہیں کر سکی ، کیونکہ پولیس دے آن توں پہلاں ہی اوہ ہسپتال توں جا چکے سن ۔اے ایس پی عبد الخالق نے آکھیا کہ طلال چودھری نال دوبارہ چھیتی رابطہ کیتا جائے گا ، ہسپتال عملے نے آکھیا کہ اوہناں نوں ڈسچارج کر دتا گیا اے ، اوہ اک گھنٹہ پہلاں ہی جا چکے سن ، اسی اوہناں نال رابطہ کر کے بیان لین دی کوشش کیتی اتے اوہناں نے آکھیا کہ خاتون دا بیان وی ریکارڈ نہیں کیتا جا سکیا اے ۔