اپوزیشن دے الزامات تے خدشات نوں ویلے نے غلط ثابت کر وکھایا: شبلی فراز

اسلام آباد( بھلیکھا ٹی وی ) وزیر اطلاعات شبلی فراز آکھیا اے کورونا وباء دے حوالے نال اپوزیشن دے الزامات تے خدشات نوں ویلے نے غلط ثابت کر وکھایا۔ سماجی رابطے دی ویب سائٹ ٹویٹر تے اپنی ٹویٹ وچ شبلی فراز دا کہنا سی کورونا توں لے کے عام بندے دی صحت، روزگار تے کاروبار دی بحالی تک حکومتی پالیسیاں دے مثبت نتائج برآمد ہوئے تے کورونا وباء دے حوالے نال اپوزیشن دے الزامات تے خدشات نوں ویلے نے غلط ثابت کر وکھایا۔شبلی فراز دا کہنا سی اوکھے حالات وچ اعلیٰ کارکردگی وکھانا عمران خان دی حقیقی پہچان اے، وزیراعظم دے کامیاب وژن دی گواہی اعداد و شمار دے رہے نیں۔ پنجاب وچ کورونا کیساں دی تعداد 98ہزار 864جد کہ سندھ وچ 1لکھ 35ہزار 246اے، پنجاب وچ 2229جدکہ سندھ وچ 2477موتاں ہوئیاں نیں، خیبر پختونخوا وچ 37525کیسز تے 1258موتاں ہوئیاں۔ اسلام آباد وچ کیسز16324تے 181موتاں ہوئیاں۔