اپوزیشن نے استعفے دتے تے وزیراعظم دا وی نواں الیکشن ہووے گا: احسن اقبال

لہور ( بھلیکھا ٹی وی )سیکرٹری جنرل (ن) لیگ احسن اقبال دا کہنا اے جدوں اپوزیشن استعفے دیوے گی تے وزیر اعظم نہیں سگوں الیکشن کمیشن انتخابات کروائے گی تے وزیراعظم دا وی نواں الیکشن ہووے گا۔ احسن اقبال آکھیا جہنے وی تن مارشل لاز دے بعد چوتھے مارشل لاء دا سوچیا تے اوہ دیس دا دشمن ہووے گا۔ بچیا کھچیا پاکستان چوتھے مارشل لاء دا متحمل نہیں ہو سکدا، پاکستان جمہوریت تے قائداعظم دے راستے تے چلن نال ای ترقی کر سکدا اے، پاکستان دے استحکام تے مضبوطی دا ایک ای راہ آئین دا راہ اے۔ لیگی رہنماآکھیا لوٹیاں نوں قبول کرنا عوام دے سیاسی شعور دی توہین اے، ہر الیکشن وچ وفاداریاں تبدیل کرن والیاں نوں پارٹی وچ نہ لیا جائے، الیکشن دے سیاسی موسمی پرندیاں دی حوصلہ شکنی کرنی ہووے گی۔

اپنا تبصرہ گھلو