مودی سرکار دی موجودگی وچ پاک بھارت سیریز دا کوئی امکان نہیں: شاہد آفریدی

کراچی( بھلیکھا ٹی وی )پاکستان دے سابق کپتان شاہد آفریدی آکھیا اے مودی سرکار دی موجودگی وچ پاک بھارت کرکٹ سیریز دا کوئی امکان نہیں اے۔ اک خلیجی اخبار نوں انٹرویو وچ شاہد آفریدی آکھیا پاکستان باہمی سیریز لئی تیار اے پر موجودہ بھارتی سرکار دی موجودگی وچ کرکٹ تعلقات دا بحال ہونا ممکن نہیں لگدا۔ پاکستان پلیئراں دی آئی پی ایل وچ عدم موجودگی دے حوالے نال آفریدی نے آکھیا میں جاننا آں انڈین لیگ اک وڈا برانڈ تے ایہدے وچ کھیڈنا بابر اعظم یا کسے وی دوجے پاکستانی کرکٹر لئی وڈا موقع ہوندا ، اوہناںنوں دباء وچ کھیڈن دا تجربہ ہوندا، ایس لئی میرے خیال وچ پاکستانی کھڈاریاں نوں اک وڈا پلیٹ فارم میسر نہیں اے۔