پاکستان وچ حقیقی امن افغاناں دے امن و سکون نال مشروط اے: عمران خان

اسلام آباد/واشنگٹن( بھلیکھا ٹی وی )وزیراعظم عمران خان آکھیا اے جدوں تک افغاناں نوں امن و سکون نصیب نہیں ہووے گا پاکستان وی حقیقی امن حاصل نہیں کر سکدا۔ امریکی اخبار واشنگٹن پوسٹ وچ لکھے گئے مضمون وچ وزیراعظم عمران خان دا کہنا سی کہ پاکستان تے افغانستان آپس وچ جغرافیہ، ثقافت تے رشتیاں نال جڑے نیں، جدوں تک افغاناں نوں امن و سکون نصیب نہیں ہووے گا پاکستان وی حقیقی امن حاصل نہیں کر سکدا، افغانستان توں غیر ملکی فوجاں دا عجلت وچ انخلا غیر دانشمندانہ ہووے گا۔ وزیراعظم آکھیا امریکی صدر ٹرمپ نے 2018ء وچ افغانستان وچ سیاسی حل لئی پاکستان دی مدد منگی، پاکستان افغانستان وچ سیاسی حل لئی ہر ممکن مدد کر رہیا اے، افغانستان وچ امن دا جہڑا راہ اسیں اختیار کیتا اوہ آسان نہیں سی، پاکستان کئی دہائیاں توں 40لکھ افغان مہاجرین دی دیکھ بھال کر رہیا اے، افغان جنگ توں اسلحہ اور منشیات پاکستان وچ آئی۔ عمران خان دا کہنا سی افغانستان وچ امن ممکن اے، ایس ویلے افغانستان تے خطے لئی امید دا سنہری موقع اے، دوحہ مذاکرات دے نتیجے وچ افغان جنگ خاتمے دے قریب اے، بین الافغان مذاکرات دا دور ہور مشکل ہو سکدا اے جہدے لئی تحمل تے مفاہمت دی فضا چاہیدی اے، صرف افغانستان دی قیادت تے افغاناں دی شمولیت نال ای پائیدار امن ممکن اے، افغانستان وچ امن و استحکام طاقت دے راہیں باہر توں تھوپیا نہیں جا سکدا۔