منی لانڈرنگ کیس وچ عبوری ضمانت خارج ہون اُتے شہباز شریف گرفتار

لہور( بھلیکھا ٹی وی ) لہور ہائیکورٹ نے منی لانڈرنگ تے آمدنی توں ودھ اثاثے دے کیس وچ شہباز شریف دی عبوری ضمانت خارج کر دتی ، قائد حزب اختلاف نوں گرفتار کر لیا گیا ۔عدالت نے تفصیلی دلائل سنن توں بعدفیصلہ سنایا ۔لہور ہائیکورٹ دے جسٹس سردار احمد نعیم تے جسٹس فاروق حیدر اُتے مشتمل 2رکنی بینچ نے شہباز شریف دی درخواست ضمانت اُتے سماعت کیتی ۔قائدحزب اختلاف شہباز شریف دے دور وچ ترقیاتی منصوبیاں بارے تفصیل عدالت وچ جمع کرائی گئی ۔اپوزیشن لیڈر دے وکیل نے عدالت نوں آکھیا کہ شہباز شریف ہن تک 1ارب روپے قومی خزانے توں بچا چکے ، شہباز شریف نے اج تک بطور ممبر اسمبلی تنخواہ تک وصول نہیں کیتی ، شہباز شریف نوں جیل گھلن دا کوئی فائدہ نہیں ،بلدیاتی انتخابات دے موقع اُتے جیل گھلن دا دعویٰ کیتا جا رہیا اے ۔وکیل شہباز شریف نے آکھیا کہ منی لانڈرنگ وچ وی شہباز شریف دے خلاف کوئی ثبوت موجود نہیں ، کسی گواہ نے نہیں آکھیا کہ شہباز شریف نے منی لانڈرنگ کیتی ،26کروڑ 90لکھ دے اثاثے شہباز شریف دے نیں ، خرچ مندے نیں تے آمدنی نہیں مندے ۔ زرعی آمدنی اُتے ٹیکس ادا کردے رہے سن ، نیب دی بد نیتی صاف نظر آ رہیی اے ۔

اپنا تبصرہ گھلو