نواز شریف توں کیتے گئے10سوالاں دے جواب دا انتظار اے : شیخ رشید

کراچی( بھلیکھا ٹی وی ) شیخ رشید نے آکھیا کہ نواز شریف توں کیتے گئے 10سوالاں دے جواب دا انتظار اے ۔ لیگی قائد نے ساری زندگی لندن وچ رہن دا فیصلہ کر لیا ، اپوزیشن سینیٹ الیکشن سبوتاژ کرنا چاہندی اے ۔وفاقی وزیر ریلوے شیخ رشید نے میڈیا نال گل بات کر دیاں آکھیا کہ آصف زرداری تے فریال اُتے فرد جرم لگی ہوئی اے ، منی لانڈرنگ کرن والے چوراں نے ملک دا پیسہ لُٹیا ، میرے10سوالاں دے جواب اجے تک نہیں دتے گئے ، اوہناں نے آکھیا کہ بساں وچ لوکاں نوں لے جا کے چیف جسٹس دے دفتر اُے حملہ کر دتا ، ووٹ نوں نہیں چیف جسٹس نوں عزت دو ، ڈان لیکس دے پیچھے نواز شریف دا ہتھ سی ۔شیخ رشید نے آکھیا کہ3.4پارٹیاں نے ملک نوں بے دردی نال لُٹیا ، پتھراں دے تھیلے نہ وکھان لئی کس نے آکھیا ْ نیب دے دفتر وچ پتھراں دی منصوبہ بندی لہور وچ کیوں کیتی گئی ؟ اوہناں نے آکھیا کہ بلاول بھٹو نے آکھ دتا کہ جتھے شیخ رشید جائے گا میں اوتھے نہیں جاواں گا ۔بلاول میرے توں کیوں ڈر دا اے پتہ نہیں ، میں تے قومی اسمبلی وچ آں ۔وفاقی وزیر ریلوے نے طلال چودھری دے معاملے اُتے گل بات کرن توں انکار کر دیاں آکھیا کہ طلال چودھری نوں چھڈو، ایہ میرا لیول نہیں ، اوہناں نے آکھیا کہ جتھے اے پی سی جلسہ کرے گی اوتھے میں جلسہ کراںگا۔،اوہناں نے خواب وچ وی 50ہزارلوک اکھٹے نہیں کیتے ہون گے ، اپوزیشن عوام نوں بے وقوف بنا رہی اے ۔

اپنا تبصرہ گھلو