پنجاب دے کئی سرکاری سکولا ں نے ایس او پیز نوں مذاق بنا لیا ، نہ ماسک تے نہ سینی ٹائزر

لہور ( بھلیکھا ٹی وی )پنجاب دے کئی شہراں دے سکولاں نے ایس اوپیز نوں مذاق بنا لیا ،سکولاں دے ماسٹر تے ہیڈ ماسٹر وی ایس او پیز دی خلاف ورزی کرن لگ پئے ، اگر ایہی صورتحال رہی تے کورونا بوہت تیزی نال ودھ جائے گا ۔پنجاب دے کئی شہراں وچ سکول کھول تے دتے گئے لیکن حفاظتی اقدامات نہ ہون دے برابر ، لہور شہر وچ کئی سر کاری سکولاں نے ایس او پیز نوں مذاق بنا لیا ، سکول دے اندر ماسٹراں تے ہیڈ ماسٹر نے نے ماسک پہننا چھڈ دتا ۔سکولاں وچ سماجی فاصلے لئی لائے گئے نشا ں مٹ گئے ، سکول دے سربراہ وی ایس او پیز دی خلاف ورزی کرن لگ پئے ، بالخصوص چھٹی دے ٹائم حفاظتی اقدامات نظر ہی نیں آ ندے ۔