منی لانڈرنگ کیس : اپوزیشن لیڈر شہباز شریف دا14دن جسمانی ریمانڈ

لہور ( بھلیکھا ٹی وی ) احتساب عدالت نے منی لانڈرنگ کیس وچ گرفتار اپوزیشن لیڈر شہباز شریف نوں14دن جسمانی ریمانڈ اُتے نیب دے حوالے کر دتا احتساب عدالت دے ایڈمن جج جواد الحسن نے جسمانی ریمانڈ دی درخواست اُتے سماعت کیتی ، منی لانڈرنگ کیس وچ گرفتار قائد حزب اختلاف شہباز شریف نوں عدالت پیش کیتا گیا ، نیب حکام نے سخت سیکورٹی حصار وچ شہباز شریف نوں عدالت دے ساہمنے پیش کیتا ۔دوران سماعت شہباز شریف نے اپنی صفائی وچ دلائل دتے تے آکھیا کہ میرے فیصلے نال کاشتکاراں تے قومی خزانے دابوہت فائدہ ہوئیا ، میں تین واری صوبے دی خدمت کیتی ، کدی ٹی اے ڈی اے نہیں لیا جد وی سفر کیتا اپنے پیسے نال کیتا ، جہاز دا خرچ ، کمرے دا کرایہ وی کولوں دتا ، اک دھیلے دی کرپشن نہیں کیتی ۔

اپنا تبصرہ گھلو