خیبر پختونخواحکومت دا پشاور وچ دلیپ کمار دا گھر تے کپور حویلی خریدن دا فیصلہ

پشاور ( بھلیکھا ٹی وی ) خیبر پختونخوا حکومت نے پشاور وچ دلیپ کماردا گھر تے کپور حویلی خریدن دا فیصلہ کر لیا ، محکمہ آثار قدیمہ نے مراسلہ جاری کر دتا خیبر پختونخواحکومت نے پشاور وچ واقع دلیپ کمار ہاوس تے کپور حویلی دے تریخی گھراں نوں خریدن دا فیصلہ کر لیا اے ، برصغیر دے مشہور اداکار یوسف خان عرف دلیپ کمار دے گھر تے کپور خاندان دی حویلی نوں دوبارہ اصلی حالت وچ بحال کیتا جائیگا ۔محکمہ آثار قدیمہ ولوں ایس سلسلے وچ ڈی سی پشاور نوں مراسلہ گھل ددتا گیا اے ،جس وچ دوناں گھراں اُتے سیکشن فور نافذ کرن دی ہدایت کیتی گئی اے ۔دوناں تاریخی گھر ایس وقت بوہت ٹُٹی ہوئی حالت وچ نیں ، تریخی گھر قصہ خوانی بازار دے محلہ خداداد وچ واقع نیں ۔

اپنا تبصرہ گھلو