موٹر وے سانحہ: حکومت دا نیشنل ایمرجنسی ہیلپ لائن قائم کرن دا فیصلہ

اسلام آباد ( بھلیکھا ٹی وی ) موٹروے سانحہ توں بعد حکومت نے نیشنل ایمرجنسی ہیلپ لائن قائم کرن دا فیصلہ کر لیا ۔ وزیر اعظم عمران خان نے پی ایم ڈلیوری یونٹ نوں اہم ٹاسک دے دتا ۔وزیر اعظم آفس دے مطابق پی ایم ڈلیوری یونٹ نے نیشنل ایمرجنسی ہیلپ لائن اُتے کم کرن دا آغاز کر دتا ، نیشنل ایمرجنسی ہیلپ لائن لئی علیحدہ توں اک نظام بنایا جائے گا ۔ کسی وی ایمرجنسی دی صورتحال وچ پورے ملک لئی اک ایمر جنسی ہیلپ لائن نمبر ہوئے گا ، کسی وی ایمرجنسی صورت وچ عوام نوں اک مخصوص نمبر دتا جائے گا ۔وزیر اعظم ولوں نیشنل ہیلپ لائن نمبر دے قیام نوں دو مہنیاں تک مکمل کرن دی ہدایت کیتی گئی اے ، ملک دے سارے ایمرجنسی ہیلپ لائن نمبرز نوں نویے نظام نال منسلک کیتا جائے گا ، نیشنل ایمرجنسی ہیلپ لائن نمبر ٹول فری ہوئے گا ، نیشنل ہیلپ لائن نمبر کسی وی حادثہ دی صورت وچ شہری دی فوری مد د نوں یقینی بنائے گا ، نویے سسٹم وچ جدید ٹیکنالوجی استعمال کیتی جائے گی ۔ملک دیاں ساریاں موبائل کمپنیاں توں معانت لیتی جائے گی ،نظام نوں موثر تے مضبوط بنان لئی قانون سازی کیتی جائے گی ، قانون سازی لئی صوبیاں نال وی مشورہ کیتا جائے گا ۔

اپنا تبصرہ گھلو