بتی دا یونٹ وی48توں98پیسے مہنگے ہون دا امکان

اسلام آباد ( بھلیکھا ٹی وی ) نیپرا نے اگست دی فیول پرائس ایڈجسٹمنٹ دی مد وچ بتی مہنگی کرن بارے سماعت مکمل کر لئی ، چیئرمین نیپرا نے آکھیا کہ اتھارٹی سارے ڈیٹے دی جانچ پڑتال توں بعد اپنا فیصلہ سنائے گی ، فیول پرائس دی مد وچ48توں98پیسے فی یونٹ ودھ سکدا اے ۔سی پی پی اے دی درخواست اُتے اگست دی ماہانہ فیول پرائس ایڈجسٹمنٹ دی مد وچ سماعت ہوئی ، اگست وچ فرنس آئل تے ڈیزل نال مہنگی بتی دی پیداوار اُتے نیپرا نے شدید غصہ کیتا ، فرنس آئل تے ڈیزل دی وجہ نال 11ارب توں ودھ دی بتی پیدا کیتی جا رہی اے ۔سی پی پی اے نے آکھیا کہ گیس دی قلت دی وجہ نال مہنگے پلانتس چلائے اگست وچ800دی بجائے 750ایم ایم سی ایف ڈی گیس فراہم کیتی گئی ۔