بھات وچ پاکستانی ہندواں دا قتل : رمیش کمار دا سارے عالمی فورم نال رجوع کرن دا اعلان

اسلام آباد ( بھلیکھا ٹی وی )پاکستان ہندو کونسل دے سرپرست اعلیٰ ڈاکٹر رمیش کمار نے بھارت وچ قتل کیتے گئے پاکستانی ہندوواں دے خاندان نوں انصاف دلوان لئی سارے عالمی فورماں نال رجوع کرن دا اعلان کر لیا اے ۔ڈاکٹر رمیش کمار نے آکھیا کہ اوہ بھارت وچ بے دردی نال قتل کیتے جان والے 11پاکستانی ہندووان دے خاندان نوں انصاف دین لئی سارے عالمی فورماں نال گل بات کرن گے ۔اج اسلام آباد ہائی کورٹ دے باہر صحافیاں نال گل بات کر دیاں اوہناں نے آکھیا کہ بھارت دے شہر جودھ وچ 11پاکستانی ہندوواں نوں قتل نال بھارت دا شہریت ترمیمی بل دی حقیقت ساہمنے آگئی اے ، جو ایس گل دا واضح ثبوت اے کہ بھارت وچ اقلیت لئی کوئی جگہ نہیں ۔