نواز شریف دے اثاثیاں دی رپوٹ عدالت وچ جمع

اسلام آباد ( بھلیکھا ٹی وی ) نیب نے سابق وزیر نواز شریف دے خلاف توشہ خانہ ریفرنس وچ اثاثیاں بارے رپورٹ اسلام آباد دی احتساب عدالت وچ جمع کرادتی ۔1752کنال زرعی اراضی ، لکھاں روپے شیئر ، 8بینک اکاونٹس ، اک لینڈ کروز، 2مرسڈ یز ، نواز شریف دے اثاثیاں وچ شامل نیں ۔رپورٹ وچ آکھیا گیا کہ نواز شریف دے اثاثے لئی الیکشن کمیشن ، ایف بی آر تے ایس ای سی پی نوں خط لکھے گئے ، ایس ای سی پی دے مطابق نواز شریف دیاں چار کمپنیاں وچ شیئرنگ ، محمد بخش ٹیکسٹائل ملز وچ نواز شریف دے 4لکھ 67ہزار 950شیئر، حدیبیہ پیپر ملز وچ نواز شریف دے3لکھ43ہزار425شیئر نیں ، جد کہ حدیبیہ انجینئرنگ کمپنی وچ نواز شریف دے شیئراں دی تعداد22ہزار213اے تے اتفاق ٹیکسٹائل ملز وچ نواز شریف 48ہزار606شیئر دے مالک نیں ۔