نواز شریف دی ٹکرا دی پالیسی غیر مناسب اے ، جلیل احمد شرقپوری

لہور ( بھلیکھا ٹی وی ) مسلم لیگ نون دے رہنما جلیل احمد شرقپوری نے آکھیا کہ نواز شریف دی ٹکرا دی پالیسی غیر مناسب اے ایہہ مسائل دا حل نہیں ، اختلاف رائے نوں جمہوریت دا حسن آکھیا جاندا اے ۔ تے مینوں وی ایہہ حق دین ورنہ میں وی ایہہ ہی آکھاں گا کہ مجھے کیوں نکالا، وزیر اعلیٰ پنجاب نال کم دے سلسلے وچ میں کئی وار ملیا ایس طرح کرنا پارٹی منشور دی خلاف ورزی نہیں ۔

ایس تو پہلاں مسلم لیگ ولوں پارٹی رکنیت معطل ہونے اُتے رکن پنجاب اسمبلی جلیل شرقپوری نے آکھیا کہ نواز شریف دی گل توں اختلاف کیتا اے کوئی آئین تے نہیں تو ڑیا ۔ پارٹی ولوں نوٹس جاری کیتا گیا ، ایسے نوٹس نوں نہیں مندے ، غلطی نہیں دسی گئی صرف نوٹس گھل دتا ۔ اوہناں نے آکھیا کہ پارٹی نوں پارٹی رہین دیو ، خاندانی جاگیر نہ بنائو، اگر مسلم لیگ ن قبول نہیں کرے گی تے پنجاب اسمبلی وکھڑے ہو کے بیٹھ جاواں گے ۔

اپنا تبصرہ گھلو