لہور : دو بندیاں نے نوکری دا جھانسہ دے کے خاتون دی عزت لُٹ لئی

لہور ( بھلیکھا ٹی وی ) لہور وچ اجتماعی زیادتی دا اک ہور واقعہ ساہمنے آگیا ، دو بندیاں نوکری دا جھانسہ دے کہ کُڑی دی عزت لُٹ لئی،تفصیل دے مطابق شیخوپورہ دی رہن والی کُڑی نوں نوکری دا جھانسہ دے کے ملزم حسن تے عرفان نے لہور بلایا ، متاثرہ کُڑی دے بیان دے مطابق ریلوے اسٹیشن دے نیڑے اک ہوٹل وچ اوس نال زیادتی کیتی ۔تھانہ نولکھا پولیس نے متاثرہ کُڑی دی در خواست اُتے مقدمہ درج کر لیا ۔

آئی جی پنجاب انعام غنی نے واقعہ دا نوٹس لے کہ سی سی پی او عمر شیخ توں رپورٹ منگ لئی ۔وزیر اعلیٰ پنجاب عثمان بزدار نے وی ایس واقعے دا سختی نال نوٹس لے کہ سی سی پی او عمر شیخ توں رپورٹ منگ لئی تے ملزماں نوں چھیتی پھڑن دا حکم دے دتا ۔