آرمینیا دے خلاف جنگ وچ پاک فوج دی آذربائیجان دا ساتھ دین دی خبراں بے بنیاد قرار

اسلام آباد: پاکستان نے آرمینیا دے خلاف پاک فوج دی آذربائیجان دی فوج دے نال لڑائی بارے خبراں نوں بے بنیاد تے افواہواں قرار دے دتا۔ ترجمان دفتر خارجہ نے ناگورونو کاراباغ وچ آرمینیا دے خلاف پاک فوج دی آذربائیجان دی فوج دے نال لڑائی بارے خبراں نوں بے بنیاد تے افواہواں قرار دیندیاں آکھیا اے اجہی اطلاعواں غیر ذمہ دارانہ نیں پر ناگورونو کاراباغ تے آذربائیجان دے موقف دی حمایت کرنے آں۔ ترجمان آکھیا ناگورونو کارا باغ دی صورتحال تے پاکستان نوں گہری تشویش اے تے آذربائیجانی شہری آبادی تے آرمینیا ولوں بھاری شیلنگ نہایت افسوسناک اے، ایہدے نال پورے خطے دے امن و امان نوں نقصان اپڑ سکدا اے ایس لئی ہور کشیدگی توں بچن لئی آرمینیا فوری طور تے فوجی کاروائی بند کرے۔

اپنا تبصرہ گھلو