پوری قوم دا اک ہی نعرہ فسطائی نظام نوں اک دھکا ہور دو: مریم اورنگزیب

لہور( بھلیکھا ٹی وی ) پاکستان مسلم لیگ نون دی ترجمان مریم اورنگزیب نے پارٹی قائد نواز شریف تے ہوراں اُتے غداری دے مقدمے درج کرن اُتے شدید مذمت کر دیاں آکھیا کہ پوری قوم دا اک ہی نعرہ اے کہ ڈگڈی دیوار نوں اک دھکا ہو ر دیو ، فسطائی نظام نوں اک دھکا ہور دیو ، اپنے اک بیان وچ اوہناں نے آکھیا کہ نواز شریف ، مریم نواز تے ہوراں پارٹی لیڈراں دے خلاف غداری دا مقدمہ عمران صاحب دی بوکھلاہٹ دا منہ بولدا ثبوت اے۔ پاکستان دی عوام اپنے مینڈیٹ ، آئین تے قومی مفاد توں غداری اُتے عمران خان اُتے پرچہ پہلے ہیی درج کر چکے نیں ، قائد نواز شریف تے اوہناں دی ٹیم اُتے غداری دا پرچہ دراصل سیلیکٹڈ حکومت دی اقتدار توں روانگی دا پروانہ تے اعلان اے ، ووٹ چور ، آئین، جمہوریت تے عوام دے مجرماں دا غداری دا پرچہ درج کرنا دراصل اوہناں دے سیاسی مخالفاں دی محب وطنی دا سرٹیفیکیٹ اے ۔

اپنا تبصرہ گھلو