بغاوت دے مقدمے وچ کیپٹن (ر) صفدر دی ضمانت منظور

لہور ہائی کورٹ نے مسلم لیگ (ن) دے رہنما تے سابق وزیراعظم نوازشریف دے جوائی کیپٹن (ر) صفدر دی حفاظتی ضمانت منظور کر لئی۔ عدالت وچ دائر درخواست وچ کیپٹن (ر) صفدر نے موقف اختیار کیتا گوجرانوالہ پلس نے اوہناں دے خلاف بغاوت دا مقدمہ درج کیتا، جہدا مقصد اوہناں نوں سیاسی انتقامی کاروائی دا نشانہ بنانا اے۔

اوہناں دا کہنا سی اوہ شامل تفتیش ہونا چاہندے نیں عدالت توں استدعا اے کہ حفاظتی ضمانت منظور کیتی جائے۔ لہور ہائی کورٹ دے جسٹس اسجد جاوید نے اوہناں دی عرضی منظور کردیاں ہوئیاں 10اکتوبر تک حفاظتی ضمانت منظور کر لئی۔ خیال رہوے کیپٹن (ر) صفدر دے خلاف گوجرانوالہ پلس نے بغاوت دا مقدمہ درج کر رکھیا اے۔

اپنا تبصرہ گھلو