اسلام آباد ہائیکورٹ نے نوازشریف دی تقریراں تے پابندی دی عرضی خارج کر دتی

اسلام آباد ہائی کورٹ نے سابق وزیراعظم نوازشریف دی تقریراں تے پابندی دی عرضی خارج کر دتی۔ اسلام آباد ہائی کورٹ نے درخواست ناقابل سماعت قرار دے کے خارج کر دتی۔ چیف جسٹس اطہر من اللہ نے 5ورقیاں تے مشتمل تحریری فیصلہ وی جاری کر دتا۔ فیصلے وچ آکھیا گیا اے سیاسی مواد توں متعلقہ معاملات عدالتاں وچ لیانا عوامی مفاد وچ نہیں، ایس طرح دی عرضیاں لئی متبادل فورم موجود نیں۔ فیصلے وچ ایہ وی آکھیا گیا اے درخواست گزار مطمئن نہیں کر سکیا کہ نوازشریف دی تقریر توں اوہناں دے کہڑے حقوق متاثر ہو رہے نیں۔ خیال رہوے پچھلے دناں نوازشریف سیاسی طور تے متحرک ہو گئے نیں تے لندن توں کئی وار پارٹی اجلاساں تے پاکستان ڈیمو کریٹک موومنٹ دے پلیٹ فارم تے ویڈیو لنک دے راہیں خطاب کر چکے نیں۔