اداریاں دے خلاف مہم ملک کمزور کرن دی سازش اے : شہر یار آفریدی

لہور( بھلیکھا ٹی وی ) شہر یار آفریدی نے آکھیا کہ اداریاں دے خلاف مہم ملک نوں کمزور کرن دی سازش اے ، ہر کسی نوں حق حاصل اے کہ او ایف آئی آر درج کرائے ، ایس مقدمے وچ ریاست دا کوئی کردار نہیں ، ریاستی ادارے اک پیج اُتے نیں ۔چیئرمین کشمیر کمیٹی شہریار آفریدی نے میڈیا نال گل بات کر دیاں آکھیا کہ ساہنوں ریاستی اداریاں نوں مضبوط بنانا اے ۔

عدالت فیصلے کرن وچ خود مختار اے ، وزیر اعظم عمران خان نے اک اک روپے دی منی ٹریل دتی ، دشمن قوتاں چاہندیاں نیں کہ پاکستان نوں عدم استحکام توں دو چار کیتا جائے ، ملکی اداریاں نوں چیلنج کرن والیاں نوں عبرت دا نشان بناواں گے ،ساڈا سب کجھ پاکستان اے ۔ ملکی مفاد اُتے کوئی سمجھوتہ نہیں ہوئے گا ۔