سانحہ بلدیہ کیس : مجرماں نے سند ھ ہائی کورٹ وچ اپیل دائر کر دتی

کراچی ( بھلیکھا ٹی وی ) سانحہ بلدیہ فیکٹری اگ لگن دے کیس وچ سزا یافتہ مجرماں نے ماتحت عدالت ولوں سنائی گئی سزا دے خلاف سندھ ہائی کورٹ وچ اپیل دائر کر دتی ۔سزا دے خلاف اپیل دائر کرن والے مجرماں وچ زبیر چریا، رحمان بھولا، علی محمد ، فضل محمد ، شاہ رخ تے ارشد محمد شامل نیں ، تنیاں فیکٹری ملازماں ولوں شوکت حیات تے فاروق حیات ایڈووکیٹ نے اپیل دائر کیتی اے ۔فیکٹری ملازماں دے وکیل نے آکھیا کہ مرے موکلوں نوں پولیس نے بے گناہ قرار دتا سی ، فضل محمد، علی محمد چوکیدار سن ، اوہناں دے خلاف دوارن سماعت کوئی شواہد پیش نہیں کیتا گیا ۔ ماتحت عدالت نے حقائق نوں نظر انداز کیتا ، فیصلے وچ قانونی سقم اے ، اپیل وچ استدعا کیتی گئی کہ ماتحت عدالت دی سزا نوں معطل کیتا جائے ۔