ایڈمرل امجد نیازی نے پاک بحریہ دے نویں سربراہ دی ذمہ داریاں سنبھال لئیاں

اسلام آباد: ایڈمرل امجد خان نیازی نے پاک بحریہ دے 22ویں سربراہ دی حیثیت نال ذمہ داریاں سنبھال لئیاں نیں۔ نیول ہیڈ کوارٹر پی این ایس ظفر وچ پاک بحریہ دے سربراہ دی کمان دی تبدیلی دی پروقار تقریب ہوئی جہدے وچ اعلیٰ شخصیات نے رلت کیتی۔ ایڈمرل ظفر محمود عباسی نے ایڈمرل امجد خان نیازی نوں پاک بحریہ دی کمال سونپی۔ تقریب نال خطاب کردیاں سبکدوش ہون والے ایڈمرل ظفر محمود عباسی آکھیا سانوں سکیورٹی سنے دوجے چیلنجاں دا ساہمنا اے۔

اسیں 3ورھیاں وچ خطے وچ بے شمار چیلنجاں دا ساہمنا کیتا تے اسیں پاک بحریہ نوں ہور بہتر بنان لئی پرعزم آں۔ 4چینی فریگیٹ اگلے دو ورھیاں وچ پاک بحریہ وچ شامل ہون گے، پی این ایس یرموک پاکستان نیوی دا حصہ بن گیا اے، گوادر وچ بحری اڈہ قائم کیتا جا رہیا اے۔ میرین ٹریننگ سنٹر کراچی توں گوادر منتقل کر دتا گیا اے۔

اپنا تبصرہ گھلو