سکول انتظامیہ فیساں دا مطالبہ کرکے بالاں نوں ہراساں نہ کرن: پشاور ہائیکورٹ

پشاور: ہائی کورٹ نے حکم دتا اے نجی سکول فیساں دا مطالبہ کرکے بالاں نوں ہراساں نہ کیتا جائے۔ پشاور ہائی کورٹ وچ نجی سکولاں ولوں لاک ڈاؤن دے دوران فیساں دی وصولی دے خلاف دائر درخواست تے سماعت ہوئی، والدین ولوں دائر درخواست تے سماعت چیف جسٹس وقار احمد سیٹھ تے جسٹس لعل جان خٹک نے کیتی۔

درخواست گزار دے وکیل نے موقف پیش کیتا کہ حکومت نے فیساں وچ صرف دس فیصد ریلیف دتا اے جہڑا نہ ہون دے برابر اے تے سکول انتظامیہ ولوں فیساں دے ناں تے بالاں نوں ہراساں کیتا جا رہیا اے، کورونا وائرس وچ لاک ڈاؤن دے دوران 7مہینے تک سکول بند رہے، عدالت سکول مالکاں توں 7مہینے دی فیس معافی دا حکم دیوے۔ عدالت نے صوبائی حکومت تے محکمہ تعلیم نوں نوٹسز جاری کردیاں ہوئیاں حکم دتا کہ فیساں دا مطالبہ کرکے بالاں نوں ہراساں نہ کیتا جائے، عدالت نے کیس دی سماعت 14اکتوبر تک ملتوی کر دتی۔