مخدوم امین فہیم دے پتر جلیل الزماں پلی بارگین کرکے رہا، 10ورھیاں لئی نااہل

حیدر آباد: احتساب عدالت نے پیپلزپارٹی دے مرحوم رہنما مخدوم امین فہیم دے پتر مخدوم جلیل الزماں دی پلی بارگین دی عرضی منظور کر لئی۔ عدالت نے مخدوم جلیل الزماں دی ڈیڑھ کروڑ روپے کرپشن دی پلی بارگین دی عرضی منظور کردیاں ہوئیاں اوہناں نوں رہا کر دتا۔ مخدوم جلیل الزماں نے نیب نوں ڈیڑھ کروڑ روپے دا پے آرڈر جمع کرا دتا۔

سابق تعلقہ ناظم مخدوم جلیل الزماں ہن 10ورھیاں تک الیکشن لڑن تے پبلک آفس وچ عہدہ رکھن لئی نااہل قرار دتے گئے نیں۔ واضح رہوے نیب نے مخدوم جلیل الزنوں ڈیڑھ کروڑ روپے دی کرپشن دے الزام وچ گرفتار کیتا سی جہدے تے اوہناں نے پلی بارگین دی عرضی کیتی سی۔