مولانا فضل الرحمان سیاست توں باہر ہو چکے، اوہ شوق نال احتجاج کرن: شوکت یوسفزئی

پشاور: شوکت یوسفزئی آکھیا اے مولانا فضل الرحمان سیاست توں باہر ہو چکے، اوہ شوق نال احتجاج کرن، پیپلزپارٹی وچ غیرت اے تے سندھ اسمبلی توڑ کے میدان وچ آن، جہناں دے کول اک سیٹ نہیں اوہ حکومت ڈیگن دا سوچ رہے نیں، نوازشریف جدوں وی واپس آئے گرفتار کیتا جائے گا۔

خیبر پختونخوا دے وزیر محنت و ثقافت شوکت یوسفزئی نے میڈیا نال گل کردیاں آکھیا حکومت نوازشریف بارے لائحہ تیار کر رہی اے، مولانا توں گزارش اے مدرسیاں دے طلبہ نوں استعمال نہ کرن جہڑے عمران خان نوں جان دے نیں اوہ سمجھ لین کہ احتساب ہووے گا۔

اودھر اے این پی دے سربراہ اسفند یار ولی خان نے الزامات لاگو کرن تے شوکت یوسفزئی تے اک ارب روپے ہرجانے دا کیس دائر کیتا ہویا اے، کیس وچ شوکت یوسفزئی دی عدم پیشی تے یکطرفہ فیصلہ سنایا گیا سی۔ ڈسٹرکٹ اینڈ سیشن عدالت نے شوکت یوسفزئی دے پیش ہون تے کیس دی سماعت 15اکتوبر تک ملتوی کر دتی۔