کورونا ہور 12بندیاں دی جان لے گیا، وائرس نال 3لکھ 16ہزار 351شہری متاثر

اسلام آباد: کورونا وائرس نال 12بندے جاںبحق ہو گئے جہدے بعد موتاں دی تعداد6ہزار 535ہو گئی۔ پاکستان وچ کورونا دے تصدیق شدہ کیساں دی تعداد3لکھ 16ہزار 351ہو گئی۔ نیشنل کمانڈ اینڈ آپریشن سنٹر دے تازہ ترین اعداد و شمار دے مطابق پچھلے 24گھنٹیاں دے دوران 624 نویںکیسز رپورٹ ہوئے، پنجاب وچ اک لکھ 148، سندھ وچ اک لکھ 38 ہزار 891، خیبر پختونخوا وچ 38 ہزار 141، بلوچستان وچ 15 ہزار 439، گلگت بلتستان وچ 3 ہزار 884، اسلام آباد وچ 16 ہزار 936 جد کہ آزاد کشمیر وچ 2 ہزار 912 کیسز رپورٹ ہوئے۔

ملک بھر وچ ہن تک 37 لکھ 30 ہزار 221 بندیاں دے ٹیسٹ کیتیگئے، پچھلے 24 گھنٹیاں دے دوران 27 ہزار 614 نویںٹیسٹ کیتے گئے، ہن تک 3 لکھ اک ہزار 288 مریض صحت یاب ہوچکے نیں جد کہ499 مریضاں دی حالت تشویشناک اے۔پاکستان وچ کورونا نال اک دن وچ 12 بندے جاں بحق ہوئے جہدے بعد وائرس نال مرن والیاں دی تعداد 6 ہزار 535 ہوگئی۔ پنجاب وچ 2 ہزار 245، سندھ وچ 2 ہزار 531، خیبر پختونخوا وچ اک ہزار 263، اسلام آباد وچ 184، بلوچستان وچ 146، گلگت بلتستان وچ 89 تے آزاد کشمیر وچ 77 مریض جان توں ہتھ دھو بیٹھے۔