چیئرمین نیب دی زیر صدارت اجلاس، قومی احتساب بیورو دی کارکردگی دا جائزہ

اسلام آباد: چیئرمین نیب جاوید اقبال دی زیر صدارت اجلاس ہویا جہدے وچ قومی احتساب بیورو دی مجموعی کارکردگی دا جائزہ لیا گیا۔ نیب اعلامیہ وچ آکھیا گیا 2019وچ مجموعی طور تے 51ہزار 591شکایتاں موصول ہوئیاں، نیب نے 46ہزار 123شکایتاں نوں قنون دے مطابق نبیڑ دتا۔

ایس موقع تے چیئرمین نیب جاوید اقبال دا کہنا سی میگا کرپشن دے مقدمیاں نوں منطقی انجام تک اپڑاواں گے، نیب دی کارکردگی نوں قومی تے عالمی اداریاں نے سراہیا اے، گیلپ سروے وچ 59فیصد بندیاں نے نیب تے اعتماد دا اظہار کیتا، سارے وائٹ کالر کرائم دی تحقیقات سائنسی بنیاداں تے کیتی جان۔