مصباح الحق دا چیف سلیکٹر دے عہدے توں دستبردار ہون دا اعلان

لہور( بھلیکھا ٹی وی )قومی کرکٹ ٹیم دے ہیڈ کوچ مصباح الحق نے چیف سلیکٹر دے اضافی عہدے توں دستبردار ہون دا اعلان کر دتا۔مصباح الحق نے لہور وچ پریس کانفرنس نال خطاب کردیاں آکھیا کہ میرے لئی بطور چیف سلیکٹر کم کرنا مشکل ہو رہا سی، عہدہ چھڈن دا فیصلہ میرا اپنا اے، میرے اُتے ایس حوالے نال کوئی دباو نہیں سی۔ کرکٹ بورڈ نوں فیصلے توں آگاہ کر دتا اے۔ مینوں ہن ٹیم نوں بہتر توں بہتر بنانا اے۔یاد رہے کہ مصباح الحق نے پچھلے ورے چیف سلیکٹر دا عہدہ سنبھالا سی تے ایس دوران ہیڈ کوچ دے فرائض وی سرانجام دیندے رہے سن، اک ہی وقت وچ 2 عہدے رکھن اُتے اوہناں کرکٹ دے مختلف حلقے تے شائقین ولوں تنقید دا نشانہ بنایا جاندا رہیا۔ انگلینڈ ٹور وچ پاکستانی ٹیم دی خراب کارکردگی اُتے مصباح دی پرفارمنس اُتے وی سوال اٹھائے گئے سن ۔

اپنا تبصرہ گھلو