تحریک نوں کنٹینر نہیں روک سکدے، 16 اکتوبر دا جلسہ ضرور ہوئے گا: مریم اورنگزیب

لہور( بھلیکھا ٹی وی )مریم اورنگزیب نے 16 اکتوبر نوں ہر حال اندر گوجرانوالہ جلسہ کرن دا اعلان کردیاں ہوئیاں آکھیا کہ عمران صاحب ووٹ نو عزت دو، تحریک نوں کنٹینر نہیں روک سکدے، 16 اکتوبر دا جلسہ ضرور ہوئے گا۔ترجمان مسلم لیگ(ن)مریم اورنگزیب نے اپنے بیان وچ آکھیا کہ حکومت جتنا چاہے، پولیس گردی کرے، جتنا چاہے، کنٹینر گردی کرے مگر16 اکتوبر دا جلسہ ضرور ہوئے گا۔ اوہناں نے آکھیا کہ عمران صاحب!گرفتاریاں کریں یا کنٹینرز دے پیچھے لُکن، اوہ سن لین آٹا، چینی، گیس بجلی دے ستائی عوام نوں کنٹینر نہیں روک سکدے، عوام آٹا، چینی، دوائی چوروں دا ہر کنٹینر عبور کرے گی، کرائے دے ترجمان جنا چاہون ماتم کرن، عمران صاحب گھر جانے دی تیاری کرن۔دُجے پاسے لیگی رہنما خواجہ سعد رفیق نے میڈیا نال گل بات کر دئیاں آکھیا کہگوجرانوالہ وچ بینرز اتارن تے پکڑ دھکڑ دا کوئی فائد ہ نہیں، انتظامیہ شرارتاں وچ مصروف اے، جلسہ تے قافلے نہیں رکن گے، ہن تک جلسے دی اجازت نہیں دتی گئی، آکھیا جا رہا اے کہ کریک ڈان ہوئے گا، فیر آکھیا گیا کوئی کریک ڈان نہیں ہوئے گا۔

اپنا تبصرہ گھلو