باجوڑ: افغانستان دے دہشتگرداں دی فائرنگ، حوالدار تنویر شہید، اک جوان زخمی

لاہور( بھلیکھا ٹی وی ) افغانستان دے دہشتگرداں دی فائرنگ دے نتیجے وچ پاک فوج دے حوالدار تنویر شہید تے اک جوان زخمی ہو گیا۔
پاک فوج دے شعبہ تعلقات عامہ دے مطابق افغانستان دے دہشت گرداں نے باجوڑ دے علاقے وچ اندھا دھند فائرنگ کیتی، پاک سرزمین دی حفاظت اُتے مامور حوالدار تنویر جام شہادت نوش کر گئے، زخمی ہون والے جوان نوں ہسپتال منتقل کر دتا گیا۔واضح رہے کہ افغانستان دے دہشتگرداں دی فائرنگ دے واقعات پہلاں وی ہندے سن ،پچھلے مہینے پاک فوج دے سپاہی صابر شاہ بھی بارڈر پار فائرنگ واقعے وچ درجہ شہادت اُتے فائز ہوئے سن۔ پاکستان دے بار بار احتجاج دے باوجود افغان حکومت ایس حوالے نال سنجیدہ اقدامات نہیں چُک رہی، ایہ امر وی قابل ذکر اے کہ بھارت افغانستان وچ ہون والے امن منصوبے دے خلاف تے ایس حوالے نال پاکستانی کردار توں خائف نیں، ایس طرح دی دہشت گرد کارروائیاں وچ ماضی وچ بھارت دے ملوث رہن دے ثبوت ملدے رہے نیں۔

اپنا تبصرہ گھلو