تحریک ٹُر پئی ۔حکمران دسمبر نہیں ویکھ سکن گے: مولانا فضل الرحمان

چارسدہ( بھلیکھا ٹی وی )مولانا فضل الرحمان دا کہنا اے کہ تحریک ٹُر پئی، 16 اکتوبر نوں گوجرانوالہ وچ عوام دا سمندر ہوئے گا، حکمران دسمبر نہیں ویکھ سکن گے، ملک وچ آئین تے قانون دی حکمرانی چاہندے آں ، دھاندلی کیتی نہیں۔جمعیت علما اسلام (ف)دے سربراہ مولانا فضل الرحمان دا کہنا سی کہ سرکار مخالف تحریک ہن حکومت نوں ختم کر کے ہی رُکے گی، عوام اینہاں حکمراناں نوں نہیں مندے، خطے وچ تنہائی دا شکار نیں، اینہاں حکمراناں دی کرسی دی کوئی اہمیت نہیں، اینہاں دی حکمرانی نوں مسترد کردے آں، ساہنوں ترنوالہ نہ سمجھیا جائے، لوہے دے چنے ثابت ہون گے، پورے ملک وچ جلسے ہونگے۔مولانا فضل الرحمان نے ہور آکھیا کہ ساڈے اسلاف نے ایس ملک دی آزادی لئی قربانیاں دتیاں، انگریزاں دے خلاف کوشش کیتی، حکمراناں نے ملک نوں تباہی دے دھانے اُتے کھڑا کر دتا اے، غریباں دا جینا مشکل ہوچکیا اے، لوگ اپنے بال ویچن تے مجبور ہوگئے۔

اپنا تبصرہ گھلو