شہباز شریف دی کُڑی رابعہ عمران نوں اشتہاری قرار دین دی کارروائی دا آغاز

لہور( بھلیکھا ٹی وی )منی لانڈرنگ ریفرنس وچ وڈی پیش رفت، احتساب عدالت نے شہباز شریف دی کُڑی رابعہ عمران نوں اشتہاری قرار دین دی کارروائی دا آغاز کر دتا۔
شہباز شریف دے گھر دیاں لئی اک ہور مشکل ساہمنے آ گئی۔ عدالت نے رابعہ عمران دی اشتہاری کارروائی دے اشتہار لگان دا حکم دے دتا۔ عدالتی حکم دے باوجود پیش نہ ہون اُتے شہباز شریف دی کُڑی دے خلاف اشتہاری قرار دین دی کارروائی کیتی جا رہی اے۔احتساب عدالت دے ایڈمن جج جواد الحسن نے رابعہ عمران نوں اشتہاری قرار دین دی کارروائی شروع کرن دا حکم دتا۔ واضح رہے کہ منی لانڈرنگ ریفرنس وچ شہباز شریف دے پُتر سلیمان شہباز دے خلاف پہلاں وی عدالت اشتہاری دی کارروائی دا آغاز کرچکی اے۔