پنجاب حکومت اج اپوزیشن دے جلسیاں بارے اہم فیصلے کرے گی

لہور( بھلیکھا ٹی وی) پنجاب حکومت اج اپوزیشن دے جلسیاں بارے پالیسی دی تشکیل لئی اہم فیصلے کرے گی۔پنجاب حکومت اج امن و امان دی صورتحال دا جائزہ لے کہ انتظامیہ نوں اقدامات دی ہدایت جاری کرے گی، وزیراعلی دی زیرصدارت اجلاس وچ اہم اقدامات دی منظوری دتی جائے گی۔مشیر داخلہ شہزاد اکبر تے امن و امان دے ذمہ داراں دے سربراہ نے وی اجلاس وچ رلت کرن گے، گوجرانوالہ دے اپوزیشن دے جلسے دے حوالے نال وی صورتحال دا جائزہ لتا جائے گا۔پنجاب دے اعلی حکام تے امن و امان دے ذمہ دار ادارے صوبائی حکومت نوں بریف کرن گے، اپوزیشن نوں گوجرانوالہ دے جلسہ دے حوالے نال حکومتی فیصلے توں کدوں آگاہ کیتاجائے گا، ایہ معاملہ وی اج زیر غورآئے گا۔ اپوزیشن دے جلسے دے پیش نظر سارے ضروری اقدامات دی اجلاس توںمنظوری لتی جائے گی ۔