پنجاب حکومت نے مہنگائی کنٹرول کرن لئی اہم اقدامات دی منظوری دی دتی

لہور(بھلیکھا ٹی وی ) پنجاب حکومت نے مہنگائی کنٹرول کرن لئی اہم اقدامات دی منظوری دے دتی۔ پنجاب روزانہ دی بنیاد اُتے کارکردگی رپورٹ وزیراعظم نوںگھلے گی ۔
پنجاب نے فلور ملاں نوں روزانہ ہور2ہزار میٹرک ٹن کنک ریلیزز ودھان دا وی فیصلہ کیتا اے۔ کنک دی ریلیز ز نوں بتدریج21ہزار میٹرک ٹن روزانہ تک ودھایا جائے گا۔ پنجاب وچ ایس وقت17ہزار میٹرک ٹن گندم روزانہ فلور ملاں نوں ریلیز کیتی جا رہی اے۔پنجاب بھر وچ قیمتاں تے آٹے دی فراہمی دے حوالے نال انسپکشن کمیٹیاں بنان دا فیصلہ کیتا گیا اے۔ متعلقہ منسٹرز، سیکرٹریز تے ضلعی آفیسرز کمیٹیاں وچ شامل ہون گے، انسپکشن کمیٹیاں قیمتاں نوںکنٹرول کرن دے حوالے نال اپنا کردار ادا کرن گے۔