قومی دولت لُٹن والے این آر او دی تلاش وچ نیں، وزیراعظم دی بابر اعوان نال ملاقات

اسلام آباد( بھلیکھا ٹی وی )وزیراعظم عمران خان دے مشیر پارلیمانی امور بابر اعوان نے ملاقات کیتی جس دے دوران قومی معاملات تے آئینی اُمور اُتے تبادلہ خیال کیتا گیا۔ عمران خان نے آکھیا کہ قومی دولت چران والے صرف این آر او دی تلاش وچ نیں۔وزیراعظم عمران خان نال ملاقات وچ مشیر پارلیمانی اُمور بابر اعوان نے پارلیمنٹ دے اگلے سیشن تے نویں قانون سازی اُتے بریفنگ دتی۔ وزیراعظم نے ایس موقع اُتے آکھیا کہ قومی دولت چوری کرن والے صرف این آر او دیتلاش وچ نیں، پاکستان نوں استحکام دی راہ اُتے پایا گیا اے۔ منی لانڈررز نے معیشت برباد کیتی اسی اُوس نوں سنبھالیا اے۔ملاقات دے دوران مشیر پارلیمانی امور بابر اعوان دا کہنا اے کہ اداروں دے خلاف بیانیہ کسی صورت ملکی و قومی مفاد وچ نہیں ، عوام ریاستی ادارایاں دے نال کھڑی اے تے بھرپور دفاع کیتا جائیگا، بہتر معاشی اقدامات دے باعث حکومت درست سمت وچ اگے ودھ چکی اے، درست پالیسیوں تے عوامی مفاد دی قانون سازی نال مثبت نتیجہ دی توقع اے۔