نوازشریف دی طلبی لئی برطانوی اخباراں وچ وی اشتہار شائع کران دا فیصلہ

اسلام آباد( بھلیکھا ٹی وی )مسلم لیگ ن دے قائد نوازشریف دی طلبی لئی برطانوی اخباراں وچ وی اشتہار شائع کران دا فیصلہ کر لیتا گیا، وفاقی حکومت نے اسلام آباد ہائیکورٹ وچ درخواست دے دتی۔
اسسٹنٹ اٹارنی جنرل نے درخواست اسلام آباد ہائیکورٹ وچ جمع کرائی جس وچ موقف اختیار کیتا گیا اے کہ عدالت برطانوی اخبارات ٹیلی گراف تے گارڈین وچ اشتہارات شائع کرن دا حکم دے۔
ایس توں پہلاں اسلام آباد ہائیکورٹ نے العزیزیہ تے ایون فیلڈ ریفرنسز وچ نواز شریف نوں مفرور قرار دے کے بذریعہ اشتہار طلب کیتا سی، عدالت نے نواز شریف دے اشتہارجاری کرن دا حکم دیندیاں ہویا آکھیا سی کہ30دن دے اندر اگر ملزم پیش نہیں ہوندے تے اشتہاری قرار دتا جائے۔