‘پی ڈی ایم نوں جلسے دی اجازت، چیلنج کردا واںکہ اپوزیشن جناح سٹیڈیم بھر کے وکھائے’

اسلام آباد( بھلیکھا ٹی وی )شبلی فراز نے آکھیا اے کہ پی ڈی ایم نوں جلسے دی اجازت دے دتی گئی اے، چیلنج کردا واں اپوزیشن جناح سٹیڈیم نوں پورا بھر کے وکھائے۔وفاقی وزیر اطلاعات و نشریات شبلی فراز نے اپنے ویڈیو پیغام وچ آکھیا کہ جلسے لئی جناح سٹیڈیم وچ جگہ فراہم کیتی گئی اے، احتجاج کسی وی سیاسی جماعت دا جمہوری حق اے، سڑکاں یا راہواں اُتے جلسے دی اجازت نہیں ہوئے گی، اپوزیشن لٹیا ہوا پیسہ بچان لئی اکٹھی ہوئی اے، اسی وی جلسے کیتے مگر عوام نوں تنگ کرن دی سیاست نہیں کیتی، اپوزیشن حکومت اُتے دباو پان وچ ناکام کوشش کر رہی اے۔