لیگی رہنماواں نے شبلی فراز دا گوجرانوالہ سٹیڈیم بھرن دا چیلنج قبول کرلیا

لہور( بھلیکھا ٹی وی )مسلم لیگ ن دے رہنماواں نے شبلی فراز دا گوجرانوالہ سٹیڈیم بھرن دا چیلنج قبول کرلیا۔ پرویز رشید نے آکھیا کہ سٹیڈیم بھردا ہویا نظر آیا تے شبلی فراز کنی دیر وچ استعفی دین گے۔
لیگی رہنما رانا ثنا اللہ نے میڈیا نالگل بات کر دیاں آکھیا کہ جی ٹی روڈ بلاک کرن دی دھمکی اُتے جلسے دی اجازت دتی گئی، کارکناں نوں پھڑنا تے چھاپیاں دا سلسلہ بند کیتا جائے، گرفتاریاں نال تحریکاں زور پھڑ دیاں نیں، کسان، تاجر سمیت سب گوجرانوالہ پہنچن، ملک وچ کوئی حکومت نہیں، عمران خان دی شکل وچ اک ٹولہ مسلط اے۔رہنما رانا ثنا اللہ دا کہنا سی کہ حکومتی پالیساں دی وجہ نال ہر آدمی تنگ اے، ملک وچ2 وریاں توں کوئی گورننس نہیں، بنانا تے دور دی گھل حکومت نے کسی منصوبے دا اعلان تک نہیں کیتا، ڈھائی وریاں وچ ملک نوں ایس سطح اُتے پہنچا دتا گیا، چیئرمین نیب پوری اپوزیشن نوں جیل گھلن لئی تیار واں، عمران خان، شہزاد اکبر وزیراعظم ہاوس وچ بیٹھ کے منصوبہ بندی کردے نیں، مینوںآکھیا گیا15اکتوبر نوں عدالت پیش نہ ہویا تے گرفتار کرلاں گے۔