‘گوجرانوالہ جلسے اُتے معاہدے دے مطابق عمل نہ ہویا تے قانونی کارروائی کراں گے’

لہور( بھلیکھا ٹی وی )وزیر قانون راجہ بشارت نے آکھیا کہ پی ڈی ایم دی خواہش اُتے جلسے دی اجازت دتی گئی، جلسے اُتے معاہدے دے مطابق عمل نہ ہویا تے قانونی کارروائی کراں گے۔
وزیر قانون پنجاب راجہ بشارت نیمیڈیا نال گل بات کر دیاں آکھیا کہ اپوزیشن عوام دی جاناں نوں خطرے وچ نہ پائے، کوویڈ ایکٹ دے تحت جلسے اُتے پابندی لا سکدے سن، اپوزیشن نوں قومی ذمہ داریاں دا وی احساس کرنا چاہیدا اے، ملک وچ کورونا دے مریضاں دی تعداد ودھ رہی اے، ساہنوں تحریری طور اُتے آکھیا گیا کہ جلسے وچ رلت کرن والیاں نوں ماسک، سینیٹائزر فراہم کراں گے، ویکھدے آں جلسے دی انتظامیہ کس حد تک ایس او پیز پر عمل کردے نیں۔راجہ بشاورت نے آکھیا کہ تحریری معاہدہ کر کے گرفتاریاں دا پروپیگنڈا کیتا جا رہیا اے، دعوی کیتا جا رہیا اے کہ جلسہ گاہ وچ لکھاں لوگ جمع ہون گے، چرچہ کیتا جا رہیا اے کہ ایہ پنجاب دی تریخ دا سب توں وڈا جلسہ ہوئیگا، اگر کوئی سمجھدا اے کہ30ہزار دی گنجائش والے سٹیڈیم وچ جلسہ کر کے تریخ دا وڈا جلسہ قرار دتا جائے گا، ایہ ایس دی کم عقلی اے۔