دہشتگردانہ کاروائیاں دا مقصد سی پیک نوں نقصان پہنچانا اے، میر ضیا لانگو

کوئٹہ(بھلیکھا ٹی وی )وزیر داخلہ بلوچستان میر ضیا لانگو دا کہنا اے کہ دہشتگردانہ کاروائیاں دے ودہن دا مقصد سی پیک نوں نقصان پہنچانا اے۔اوہناں آکھیاکہ انڈیا سالانہ5سو ملین ڈالر صوبے وچ امن تے ا مان دی صورتحال خراب کرن اُتے خرچ کر رہیا اے۔ ایہ اوہی دہشتگرد گروہ نیں جیہڑے ماضی وچ ناکام ہوئے، ہن دوبارہ منظم ہو رہے نیں۔کوئٹہ وچ نیوز کانفرنس کردیاں ہوئیاں صوبائی وزیر داخلہ دا کہنا سی کہ پچھلے دناں تیماڑہ وچ افسوسناک واقعہ پیش آیا جس وچ7 ایف سی اہلکارتے7سیکورٹی اہلکار شہید ہوئے۔ تیماڑہ واقعہ دی ذمہ داری اُتے ایس نامی دہشتگرد تنظیم نے قبول کیتی اے۔ صوبے دے امن نوں خراب کرن لئی انڈیا پیسہ خرچ کر رہیا اے۔ ایہی وجہ اے کہ ماضی دی ناکام دہشتگرد تنظیماں دوبارہ۔منظم ہو رہیاں نیں۔