لہور ہائیکورٹ: کارکناں نوں گرفتار نہ کرن دی یقین دہانی اُتے گوجرانوالہ جلسہ رکوان دے خلاف درخواستاں نمٹا دتیاں

لہور(بھلیکھا ٹی وی )لہور ہائیکورٹ نے ایڈووکیٹ جنرل پنجاب ولوں کسی کارکن نوں گرفتار نہ کرن دی یقین دہانی اُتے پی ڈی ایم جلسہ رکوان تے سڑکاں بند کرن دے خلاف درخواستاں نمٹا دتیاں۔لہور ہائیکورٹ دے جسٹس مسعود عابد نقوی نے درخواستاں اُتے سماعت کیتی۔ درخواست وچ پنجاب حکومت، آئی جی تے ہوم سیکرٹری نوں فریق بنایا گیا۔ عدالتی حکم اُتے ایڈووکیٹ جنرل پنجاب احمد اویس عدالت وچ پیش ہوئے تے جواب وچ آکھیا کہ کسی لیگی کارکن نوں گرفتار نہیں کیتا، پرامن جلسہ دی اجازت دتی گئی لیکن قانون ہتھ وچ لین دی اجازت کسی نوں نہیں دیواں گے۔