نوازشریف دے برطانوی اخبارات وچ طلبی اشتہارات دی درخواست سماعت لئی مقرر

اسلام آباد(بھلیکھا ٹی وی ) العزیزیہ تے ایون فیلڈ ریفرنسز وچ نواز شریف دی طلبی اشتہارات لندن دے دو اخبارات وچ جاری کرن دے معاملے اُتے اسلام آباد ہائی کورٹ دا ڈویژن بنچ کل وفاق دی درخواست اُتے سماعت کرے گا۔اسلام آباد ہائی کورٹ وچ وفاق دی برطانوی اخبارات وچ نواز شریف دے اشتہارات جاری کرن دی درخواست سماعت لئی مقرر کر دتی گئی، جسٹس عامر فاروق دی سربراہی وچ دورکنی بنچ سماعت کرے گا۔درخواست اسسٹنٹ اٹارنی جنرل ولوں اسلام آباد ہائی کورٹ وچ دائر کیتی گئی اے کہ نواز شریف دے اشتہارات لندن دے دو اخبارات وچ شائع کیتے جان، درخواست وچ لندن دے ڈیلی ٹیلی گراف تے ڈیلی گارجین وچ نواز شریف دا اشتہار جاری کرنے دی اجازت دین دی استدعا کیتی گئی اے۔

اپنا تبصرہ گھلو