شارٹ سرکٹ نال لگن والی اگ نے حفیظ سنٹر نوں ساڑ دتا

لہور: ( پنجابی میڈیا گروپ )شارٹ سرکٹ نال لگن والی اگ نے حفیظ سنٹر نوں ساڑ دتا، ریسکیو آپریشن دے دوران استعمال ہون والے پانی نے پلازے دیاں90فیصد دکاناں نوں برباد کر دیا۔
اگ تے پانی دے کھیل نے حفیظ سنٹر نوں کھنڈر وچ بدل دتا۔ حفیظ سنٹر گلبرگ وچ لگن والیااگ نے سینکڑاں گھراں دے چولہے بُجھا دتے۔ دکانداراں تے تاجراں نے الزام لگایا اے کہ اگ توں30فیصد دکاناں سڑیاں تے ریسکیو آپریشن دے دوران دکاناں دے شیشے ٹٹے تے90فیصد دکاناں پانی دی وجہ نال برباد ہوگیاں۔دکانداراں تے تاجراں دے مطابق دُجی، تیجی تے چوتھی منزل اُتے اگ لگن نال300دے نیڑیے دکاناں سڑیاں لیکن بیسمنٹ تے گراونڈ فلور اُتے واقع دکاناں ریسکیو آپریشن دے دوران پانی نال تباہ ہویاں۔ دکاناں وچ الیکٹرونکس دا سامان، لیپ ٹاپس تے موبائل فون موجود سن۔ الیکٹرونکس دا سامان پانی بھرن دی وجہ نال کباڑ بن گیا۔