مزار قائد تے کیپٹن صفدر نے جو کجھ کیتا اوہ نامناسب سی: سعید غنی

کراچی: وزیر تعلیم سندھ سعید غنی آکھیا اے مزار قائد تے مسلم لیگ (ن) دے رہنما کیپٹن (ر) صفدر نے جو کجھ کیتا اوہ نامناسب سی۔ کراچی وچ کیپٹن صفدر دی گرفتاری تے سندھ سرکار دا ردعمل ساہمنے آ گیا۔ پی پی پی رہنما سعید غنی نے ٹوئٹ کردیاں آکھیا مزار قائد تے کیپٹن صفدر نے جو کجھ کیتا اوہ نامناسب سی پر جہڑے انداز وچ کراچی پلس نے گرفتاری کیتی اے اوہ قابل مذمت اے۔ سعید غنی دا کہنا سی کیپٹن صفدر دی گرفتاری سندھ سرکار دی ہدایات تے نہیں ہوئی۔ پلس دا ایہ اقدام پی ڈی ایم دی جماعتاں وچ خلیج پیدا کرن دی سازش دا حصہ اے جہنوں اسیں نکام بناواں گے۔