کیپٹن (ر) صفدر دے خلاف مقدمے دا مدعی مفرور ملزم نکلیا، پلس دی تصدیق

کراچی: پلس نے نوازشریف دے جوائی کیپٹن (ر) صفدر دے خلاف مقدمے دے مدعی دے مفرور ملزم ہون دی تصدیق کر دتی۔ سندھ پلس دا کہنا اے وقاص احمد خان دے خلاف تھانہ سپر ہائی وے وچ مقدمہ درج اے، اوہدے خلاف انسداد دہشت گردی دی دفعہ دے تحت مقدمہ درج ہویا سی۔ پلس دے مطابق وقاص احمد تے دوجیاں دے خلاف 25اگست 2019نوں مقدمہ درج ہویا سی، مقدمے وچ ہنگامہ آرائی تے کارسرکار وچ مداخلت دی وی دفعات نیں۔ پلس دا کہنا اے احسن آباد وچ زمیناں وچ نجائز قبضیاں دے خلاف کاروائی کیتی سی تے ایہ کاروائی سپریم کورٹ دے حکم تے کرن گئے ساں جہدے تے ملزمان نے مزاحمت کیتی سی۔ پلس دے مطابق ملزم دے خلاف انسداد دہشت گردی دی عدالت وچ مقدمہ زیر سماعت اے، وقاص احمد مقدمے وچ عدالت توں مفرور اے جد کہ مقدمے وچ نامزد دوجے ملزمان نے عدالت توں ضمانت حاصل کر رکھی اے۔