کیپٹن(ر)صفدر دی گرفتاری وچ وفاقی وزیر ملوث، مکمل انکوائری ہوئے گی: وزیراعلی سندھ

کراچی(پنجابی میڈیا گروپ)وزیراعلی سندھ مراد علی شاہ نے آکھیا کہ کیپٹن ریٹائرڈ صفدر دی گرفتاری وچ اک وفاقی وزیر ملوث اے، لیگی رہنما دی ضمانت توں ثابت ہوگیا، کیس جھوٹا بنایا گیا، مکمل انکوائری ہوئے گی، سازش نوں ایس طرح نہیں چھڈاں گے، بے نقاب کراں گے۔کراچی وچ وزیراعلی سندھ مراد علی شاہ نے میڈیا نال گل بات کر دیاں آکھیا کہ مزار قائد اُتے جو کجھ ہویا اوہ مناسب نہیں سی، کیپٹن(ر)صفدر نے مزار دے اندر آکے تقدس پامال کیتا، مزار دا تقدس سیاسی معاملہ نہیں، قانون سب اُتے لاگو اے، پولیس اُتے تحریک انصاف ولوں دبا پاون دی کوشش کیتی گئی، اک وفاقی وزیر نے آکھیا کہ ویکھدا واں کس طرح ایف آئی آر درج نہیں ہندی، اوہناں نے وقاص نامی شخص توں درخواست دلوائی، کیہ وقاص اُتھے پلاننگ کر کے گیا سی ؟ وقاص نے آکھیا جان توں مارن دی دھمکی دی گئی اے۔