کوٹ لکھپت جیل وچ شہباز شریف نال عام قیدیاں والا سلوک ہوئے گا: محکمہ داخلہ پنجاب

لہور(پنجابی میڈیا گروپ)کوٹ لکھپت جیل وچ شہباز شریف نال عام قیدیاں والا سلوک ہوئے گا، اپوزیشن لیڈر بیرک نمبر دو وچ رہن گے۔محکمہ داخلہ پنجاب دے مطابق شہباز شریف نوں عام قیدیاں دی طرح رکھیا جائے گا، بی کلاس منظور ہون اُتے الگ کمرہ، بیڈ، ٹیبل لیمپ تے ہور سہولتاں ملن گیاں، شہبازشریف نوں پاکستان جیل خانہ جات رولز1978دے مطابق سہولتاں ملن گیاں۔دُجے پاسے احتساب عدالت نے منی لانڈرنگ کیس وچ نیب دی جسمانی ریمانڈ دی استدعا مسترد کردیاں ہوئیاں شہباز شریف نوں14دن دے جوڈیشل ریمانڈ اُتے کوٹ لکھپت جیل گھلن داحکم دے دتا۔احتساب عدالت وچ منی لانڈرنگ کیس دی سماعت ہوئی۔ اپوزیشن لیڈر شہباز شریف نوں عدالت وچ پیش کیتا گیا، لیگی رہنما نے آکھیا کہ نیب دا سوال نامہ پرانا اے، ایس دا جواب دے چکیا واں، میں26اکتوبر2018نوں ساریاں شیواں نیب نوں دے چکیا واں، نیب دے تفتیشی افسر حقائق دے برعکس گلاں کر رہے نیں۔ تفتیشی افسر نے جواب دتا کہ2018وچ تحقیقات آشیانہ تے رمضان شوگر ملز وچ مکمل کیتی سی۔

اپنا تبصرہ گھلو